राम्रो अनलाइन
२४ माघ २०७७, शनिबार
प्रमुख प्रतिपक्षी दल नेपाली कांग्रेसले प्रधानमन्त्री केपी शर्मा ओलीको कदमविरुद्ध आज मानव साङ्लो बनाएर विरोध प्रदर्शन गर्दैछ ।
कांग्रेस सहमहामन्त्री डा.प्रकाश शरण महतका अनुसार मध्यान्ह साढे १२ बजे ७७ वटै जिल्लामा मानव साङ्लो बनाएर विरोध गरिनेछ ।
नेपाल ट्रेड यूनियन कांग्रेससहित १८ शुभेच्छुक संस्थाले विरोध प्रर्दशन गर्नेछन् । काठमाडौंको टुँडिखेल आसपासमा कालोपट्टीसहित मानव साङ्लो निर्माण गरिनेछ ।
विरोधका लागि कालो मास्क प्रयोग गरिने कांग्रेसको शुभेच्छुक संस्थाहरूले जनाएका छन् । कांग्रेसले प्रधानमन्त्री ओलीद्वारा संसद भङ्ग गरेपछि असंवैधानिक भनेर विरोध गर्दै आएको छ । कांग्रेसले निरन्तर प्रदर्शनहरू गर्दै आएको छ ।
कांग्रेसले संसद भङ्ग भएको मुद्दा सर्वोच्च अदालतमा रहेको भन्दै न्यायालयलाई प्रभावित बनाउने गरेर कुनै पनि गर्न नहुने जनाउँदै आएको छ । कांग्रेसले सर्वोच्च अदालतबाट आउने अन्तिम फैसलालाई स्वीकार गर्ने बताएको छ ।
.jpg)
