राम्रो अनलाइन
१२ चैत २०७७, बिहिबार
काठमाडौं– बालुवाटारमा रहेको ललिता निवासभित्र सरकारी जग्गामा घर टहरा निर्माण नगर्न र गर्न लागिसकेको भए रोक्न भूमि व्यवस्था, सहकारी तथा गरिवी निवारण मन्त्री डा. शिवमाया तुम्बाहाङफेले निर्देशन दिएकी छन् । घर टहरा निर्माण नरोकिएको भन्दै मन्त्री डा. तुम्बाहाङफेले मन्त्रीस्तरको निर्णय गर्दै रोक्न निर्देशन दिएकी हुन् ।
शाखा अधिकृत महेशराज भट्टराईले पत्र लेख्दै मन्त्रीस्तरबाट नक्सापास र संरचना निर्माण रोक्ने निर्णय भएको भन्दै पत्राचार गरेका छन् ।
मन्त्रालयले संंघीय मामिला तथा सामान्य प्रशासन मन्त्रालय र गृह मन्त्रालयलाई पत्र लेख्दै कानूनविपरीत निर्माण भइरहेका संरचनाको काम रोक्न भनेको हो ।
मन्त्री तुम्बाहाङफेले ललिता निवासको जग्गाबारे अदालतमा मुद्दा चलिरहेको भन्दै त्यहाँ नयाँ निर्माण गर्न लागिएका र पुराना निर्माण भइरहेका संरचना रोक्न निर्देशन दिएकी हुन् ।
ललिता निवासको सरकारी जग्गा हिनामिना प्रकरणमा पूर्वउपप्रधानमन्त्री, तीन पूर्वमन्त्री, अख्तियारका पूर्वप्रमुख आयुक्तसहित १७५ जनाविरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको छ।
.jpg)
