राम्रो अनलाइन
०२ साउन २०७९, सोमबार
नेपाल र भारतका करिब दुई दर्जन बढी फेसनका डिजाइन एउटै स्टेजमा प्रस्तुत गरिएको छ । सिडी फाउन्डेसन भारतले होटल सोल्टीमा आयोजना गरेको ‘इन्डियन फुड फेष्टिभल’ कार्यक्रममा आयोजित फेसन शोमा नेपाल र भारतका एकसाथ फेसन प्रदर्शन गरिएको हो ।
नेपालका १० व्यवसायी मोडलले तीन सिक्वेलमा फेसनका विभिन्न डिजाइन प्रस्तुत गरेका थिए । नेपाल र भारतको थिममा दुई देशका ३ डिजाइनहरुले तयार पारेको पहिरनमा मोडल र्याम्पमा उत्रिएका थिए ।
फेसन शोको कोरियोग्राफी अन्तराष्ट्रिय फेसन कोरियोग्राफर राज फैजुले गरेका हुन् । फेसन शोले कल्चर रूपमा दुई देशलाई जोड्न सफल भएको कोरियोग्राफर फैजुले बताए । फैजु रेडियन्ट इभेन्ट म्यानेजमेन्ट एजेन्सीका प्रबन्ध निर्देशक पनि हुन् । रेडियन्ट इभेन्ट म्यानेजमेन्टले ‘इन्डियन फुड फेष्टिभल’ मा व्यवस्थापन र नेपालका लागि इभेन्ट पार्टनरको रूपमा जोडिएको हो । सिडी फाउन्डेसनको आगामी दिनको कार्यक्रममा पनि रेडियन्ट इभेन्टले सहकार्य गर्नेछ ।
कार्यक्रमको मोडल ब्यावस्थापन हाउस अफ फेसनले गरेको थियो । फेसन शोमा मोडलको मेकअफ तथा हेयरस्टायल डि–पनाज हेयर एण्ड ब्युटी ट्रेनिङ सेन्टरले गरेको हो । डि–पनाज्का फाउन्डर विनीता ताम्राकार आफैले त्यसको संयोजन गरेकी थिइन् । कार्यक्रमको फोटो ममेन्टो स्टुडियो र ट्राभल पार्टनर नि–एशिया होलिडे रहेको छ ।
