राम्रो अनलाइन
१२ भदौ २०८२, बिहिबार
काठमाडौं–फिल्म ‘माइतीघर’को शीर्ष गीत सार्वजनिक भएको छ । अघिल्लो सोही नामको फिल्मको गीत ‘वसन्त नै बस्न खोज्छ यहाँ लोलाएर’ बोलको गीतलाई रि–क्रिएसन गरिएको हो । जुन, विहिबार युट्युबमा रिलिज भएको छ । गीतमा सञ्जिवनीको स्वर, किरण खरेलका शब्द र जयदेवको संगीत छ ।
गीतको मौलिक संस्करणमा आशा भोस्लेको स्वर थियो । भिडियोमा उपासनासिंह ठकुरी र श्यामाश्री शेर्पाको अभिनय छ ।
मानकृष्ण महर्जन र सुसन प्रजापतिको छायांकन रहेको फिल्ममा सुरेन्द्र पौडेलको सम्पादन छ । कविराज गहतराजले नृत्य निर्देशन गरेका हुन् ।
लोकेशन र छायांकनपक्षले पनि दर्शकलाई आकर्षित गर्ने देखिन्छ । मिलन तामाङको निर्देशनमा तयार भएको यो फिल्ममा रविन शेरचन र धीरज तामाङको लगानी छ ।
ईश्वर श्रेष्ठ र निरज कटुवाल कार्यकारी निर्माता रहेको फिल्ममा रामशरण पाठकको पटकथा छ ।
फिल्ममा केदार घिमिरे, धीरज मगर, प्रकाश सपुत, युवराज लामा, वुद्धि तामाङ, शिशिर वाङ्देल, रजनी गुरुङ, सन्तोष शाही, फूलकुमार बमजम, संगीता थापाको पनि अभिनय छ ।
रोहित अधिकारी फिल्म्सको ब्यानरमा निर्माण भएको फिल्म असोज १३ गते दशैंको फूलपातीबाट प्रदर्शन हुने जनाइएको छ ।
.jpg)
