हेडलाईन

राजनीति

कोरोना निको भएर नेता खनाल घर फिर्ता

राम्रो अनलाइन     २८ वैशाख २०७८, मङ्गलबार
कोरोना निको भएर नेता खनाल घर फिर्ता

काठमाडौँ, २८ वैशाख : नेकपा (एमाले) का वरिष्ठ नेता झलनाथ खनाल आज निको भई घर फिर्ता भएका छन् ।  कोभिड–१९  सङ्क्रमित भएपछि यही वैशाख १८ गते  नर्भिक इन्टरनेशनल अस्पतालमा भर्ना भएका नेता खनाल स्वस्थ भई डिस्चार्ज भएका हुन् । 
उनी यही वैशाख २६ गते कोभिड–१९ सङ्क्रमणमुक्त भएका थिए । अस्पतालका कर्पोरेट कम्युनिकेशन प्रमुख सोमनाथ बाँस्तोलाले पूर्वप्रधानमन्त्री खनाल स्वस्थ भएपछि चिकित्सकको सल्लाहानुसार  डिस्चार्ज भएको जानकारी दिए । 
सङ्क्रमण  भएपछि  खनाललाई शुरुमा अक्सिजन दिइएको  र त्यसपछि  प्लाज्मा थेरापीबाट उपचार गरिएको थियो ।  नेता खनालका उपचारमा अस्पतालका चिकित्सक डा जेपी जैसवाल र डा बी श्रीवास्तव नेतृत्वको स्वास्थ्यकर्मीको समूह संलग्न थियो । 
 

राजनीति

सम्बन्धित खबर

प्रतिक्रिया

मेन न्युज