राम्रो अनलाइन
१४ माघ २०७७, बुधबार
दुई चिरा भएको नेपाल कम्युनिस्ट पार्टी (नेकपा) लाई एक बनाउने भन्दै उपाध्यक्ष वामदेव गौतमले आज औपचारिक रुपमा पार्टी एकता राष्ट्रिय अभियान घोषणा गर्दैछन् ।
प्रधानमन्त्री केपी शर्मा ओलीले संसद विघटन गरेलगत्तै नेकपामा दुई भाग विभाजन भएको थियो । गौतम भने तटस्थ रहेर पार्टीलाई पुन: एकता गर्ने अभियानमा लागेको बताउँदै आएका छन् ।
ललितपुरको धोबीघाटस्थित सिद्धार्थ कटेजमा औपचारिक कार्यक्रम गरी नेकपा एकता राष्ट्रिय अभियानको घोषणा हुने गौतमका प्रेस संयोजक विश्वमणि सुवेदीले जानकारी दिए । सो कार्यक्रममा नेकपाका अध्यक्षद्वय केपी शर्मा ओली र पुष्पकमल दाहाल ‘प्रचण्ड’ दुवैलाई निम्तो दिइएको छ । तर, ओली र प्रचण्ड आउने-नआउने निश्चित छैन ।
गत पुस ५ गते संसद विघटन भएपछि नेकपा विभाजित अवस्थामा छ । एउटा खेमाको नेतृत्व प्रधानमन्त्री ओलीले र अर्को खेमाको नेतृत्व प्रचण्ड र माधव नेपालले गरेका छन् ।
.jpg)
