योगी विकासानन्द
०३ फागुन २०७७, सोमबार
१ शरीरलाई सीधा बनाएर उभिने। दुवै गोडाका दुवै पैताला ठ्याम्मै जोड्ने, पिडौँला र तिघ्रा पनि जोड्ने । पेट भित्र, छाती बाहिर फुलेको तथा गर्धन र टाउको सीधा पार्ने।
२ दायाँ गोडा बिस्तारै उचाली हातको सहाराले बायाँ गोडाको तिघ्रामा जोडेर राख्ने।
३ बिस्तारै सास तान्दै सासको गतिमा दुवै हातलाई उठाउँदै र टाउको माथि पुर्याउने।
४ सम्पूर्ण शरीरलाई थप तन्काउने।
५ पूरा सास तान्ने र सास छाड्दै दुवै हात र गोडा तल झार्ने।
६ यही प्रक्रिया बायाँ गोडातर्फ पनि गर्ने।
७ आँखा बन्द गर्दै अंगप्रत्यंगलाई शिथिल बनाएर आराम गर्ने।
फाइदा
१ रिंगटा लाग्ने समस्याबाट मुक्ति दिन्छ।
२ हातगोडाका जोर्नीसम्बद्ध रोग निवारण गर्न सहयोग पुग्छ।
३ ढाड, गोडा र काँधलाई मजबुत बनाउँछ।
