एजेन्सी
०९ माघ २०७७, शुक्रबार
कोरोना भाइरस संक्रमित सुत्केरी महिलाको उपचारमा लापरबाही भएको भन्दै विरोध भएपछि मंगोलियाका प्रधानमन्त्री खुरेसुख उखनाले राजिनामा दिएका छन् । भर्खरै सुत्केरी भएकी महिलालाई एक सरकारी अस्पतालमा असुरक्षित तवरले संक्रमित क्षेत्रमा सार्दै गरेको भिडियो बाहिरिएपछि त्यसको सर्वत्र विरोध भएको थियो ।
भिडियोमा संक्रमित सुत्केरीलाई अस्पतालको सामान्य पाइजामा मात्र लगाइदिएर संक्रमित क्षेत्रतिर लगिँदै गरेको देखिन्छ । उनलाई त्यहाँ कुनै सुरक्षाको साधन वा सावधानी नअपनाइएको विरोधीहरूले बताएका छन् ।
बुधबार प्रधानमन्त्री कार्यालयअघि प्रदर्शन भएपछि प्रधानमन्त्रीले बिहीबार राजिनामा दिएका हुन् ।
राजिनामाका क्रममा उखानेले सुत्केरी महिलाको उपचारमा लापरबाही भएको स्वीकार गरे । ‘दुर्भाग्यवस हामीले ती आमाको स्थानान्तरण गर्दा गल्ती गरेका छौँ’, उनले भने, ‘उनलाई गरिएको व्यवहारको दृश्य हृदयविदारक छ ।’
.jpg)
