राम्रो अनलाइन
१० पुस २०८०, मङ्गलबार
सिन्धुली– लेनदेनको विषयलाई लिएर सिन्धुलीमा एक महिलालाई पोलमा बाँधेर ३ दिनसम्म मरणासन्न हुनेगरी कुटपिट गरिएको छ ।
लेनदेनको विषयमा विवाद हुँदा उनलाई स्थानीयले पोलमा बाँधेर बेहोस हुनेगरी कुटपिट गरेका हुन् । कुटपिटमा संलग्न भएको आरोपमा प्रहरीले उनका श्रीमानसहित ७ जनालाई पक्राउ गरेको छ ।
उनीमाथि अभ्रद र अमानवीय व्यवहार भएको सूचनाका आधारमा जिल्ला प्रहरी कार्यालय, सिन्धुलीबाट प्रहरी पुग्दा उनलाई पोलमा बेहोस अवस्थामा भेटिएको हो । उनलाई प्रहरीले उद्धार गरी सिन्धुली अस्पताल पुर्याएपछि होस खुलेको थियो । उनलाई अहिले सेफ होममा राखेको छ ।
