राम्रो अनलाइन
२३ चैत २०८२, सोमबार
काठमाडौं – पशु सेवा विभागले चैतमा हालसम्मको अवधिमा मुलुकका २३ स्थानमा बर्ड फ्लु भेटिएको बताएको छ ।
विभागका महानिर्देशक उमेश दाहालले सुनसरी, मोरङ झापा, काठमाडौं र चितवनका विभिन्न स्थानमा बर्ड फ्लु पुष्टि भएको बताएका हुन् ।
यस वर्ष पहिलोपटक मोरङ जिल्लाको सुन्दरहरैचा र उर्लाबारी नगरपालिकामा बर्ड फ्लु देखिएको थियो ।
यस्तै, सुनसरीका १२ स्थान, मोरङका सात, झापाका दुई, चितवन र काठमाडौंका एक स्थानमा बर्ड फ्लु देखिएको हो । ‘सरकारले बर्ड फ्लु देखिएपछि हाँस, कुखुरा नष्ट गर्दछ र त्यसबापत ७५ प्रतिशत क्षतिपूर्ति किसानलाई उपलब्ध गराउँदै आएको छ,’ उनले भने ।
उक्त स्थानमा एक लाख चार हजार कुखुरा तथा हाँस नष्ट गरिएको महानिर्देशक दाहालले जानकारी दिए ।
