राम्रो अनलाइन
१६ वैशाख २०७८, बिहिबार
काठमाडौं । कोभिड १९ संक्रमण भएर थापाथलीस्थित नर्भिक अस्पतालमा भर्ना भएकी पूर्वरानी कोमल शाहको अवस्था बिग्रिएपछि आइसीयूमा भर्ना गरिएको छ । उनलाई श्वासप्रश्वासमा समस्या देखिएपछि बुधबारदेखि अस्पतालको आइसियूमा भर्ना गरिएको अस्पताल प्रशासनले जनाइको छ।
पूर्वरानी शाहको उपचार डाक्टर जेपी जैसवाल नेतृत्वको टोलीले गरिरहेको छ । स्वास्थ्य अवस्था बिग्रिएपछि कोमललाई धेरै नै अक्सिजन दिनु परेको अस्पतालले जनाएको छ ।
कोमललाई समस्या भएपछि अहिले प्रतिमिनेट १० लिटरसम्म अक्सिजन दिनु परेको अस्पतालले जनाएको छ । कोभिड संक्रमण भएर सोही अस्पतालमा भर्ना भएका पूर्वराजा ज्ञानेन्द्रको अवस्था भने सामान्य रहेको अस्पतालले जनाएको छ ।
वैशाख ७ गते पूर्वराजपरिवारलाई कोभिड संक्रमण पुष्टि भएको थियो।
