एजेन्सी
०५ साउन २०७८, मङ्गलबार
फ्रान्स स् फ्रान्समा ११ दिन चलेको कान्स फिल्म फेस्टिभलमा इरानियन निर्देशक अस्गर फरहादीले दोस्रो अवार्ड जितेका छन् । सन् २०१६ मा ‘दि सेल्समेन’बाट पटकथा विधाको अवार्ड जितेका फरदाहीले आइतबार बिहान समापन भएको कान्समा भने कान्सको दोस्रो ठूलो पुरस्कार ग्रान्ड पिक्स जितेका छन् ।
‘अ हिरो’का लागि पाएको यो पुरस्कारमा उनको एकल दाबेदारी भने रहेन । यो पुरस्कार उनले जुहो कुसोमानेनको ‘कम्पार्टमेन्ट नम्बर ६’सँग बाँडनु पर्यो । फरहादी र कुसोमानेनले संयुक्त रुपमा ग्रान्ड पिक्स ग्रहण गरेका कान्सको सर्वोत्कृष्ट पुरस्कार पाम डी अर भने ‘टिटाने’ले पायो ।
जुलिया डुकोर्नाउले निर्देशन गरेको यो फिल्मलाई बीबीसीले केही दिन अघि मात्रै २०२१ सबैभन्दा ‘स्तब्ध’ बनाउने फिल्म भन्दै समीक्षा गरेको थियो । जुलिया कान्समा यो अवार्ड जित्ने दोस्रो महिला निर्देशक बनिन् । यसअघि सन् १९९३ मा ‘दि पियानो’ का लागि जेन क्याम्पियनले पाम डी अर जितेकी थिइन् । ७४ वर्ष लामो कान्सको इतिहासमा जम्मा दुई जना महिलाले मात्र सर्वोतकृष्ट पुरस्कार जितेका हुन् ।
महिला निर्णायकको बाहुल्य रहेको कान्सको मुख्य निर्णायक भने अमेरिकी निर्देशक स्पाइक ली थिए । उनले विजेताको नाम घोषणा गर्ने क्रममा समयभन्दा अगावै ‘टिटाने’को नाम घोषणा गरेपछि भने वातावरणमा सन्नाटा छाएको थियो । सबैभन्दा अन्तिममा घोषणा गर्ने अवार्ड सबैभन्दा पहिला घोषणा गरेपछि लीले धेरै पल्ट माफी माग्नु परेको थियो ।
समारोहमा निर्देशन तर्फको अवार्ड भने लिओस् काराक्सले जिते । उनी निर्देशित ‘एनेट्टे’ समारोहको ओपनिङ फिल्म थियो । अभिनेता तथा अभिनेत्रीतर्फको अवार्ड भने क्रमशः ‘निटराम’का लागि सेलेब लन्ड्री जोन्स र ‘दि वस्र्ट पर्सन इन दि वल्र्ड’ का लागि रेनाटे रेइन्स्भले जिते ।
समारोहमा चुनिएका बाँकी विजेताको नाम यसप्रकार रहेको छ ।
