राम्रो अनलाइन
१२ माघ २०८०, शुक्रबार
काठमाडौँ– बागलुङको ढोरपाटनका मेयरसमेत रहेका इमेज बचत तथा ऋण सहकारी संस्थाका अध्यक्ष देवकुमार नेपालीलाई पक्राउ गर्न प्रहरीले रेड कर्नर नोटिस जारी गरेको छ ।
गत जेठ ५ गतेबाट फरार भएका इमेज सहकारीका संस्थापक अध्यक्ष मेयर नेपालीले बागलुङ र पोखरामा इमेज सहकारीको झण्डै सवा २ अर्ब रुपैयाँ अपचलन गरेकोे आरोपमा पक्राउ पुर्जी जारी भएको छ ।
सहकारीको रकम हिनामिनाको आरोपमा सहकारीका अध्यक्ष देवकुमार नेपाली, उनकी श्रीमतिसहित आठजनालाई प्रतिवादी बनाइएको छ । बैसाखदेखि फरार नेपाली र उनकी श्रीमति छेला नेपालीलाई पक्राउ गर्न प्रहरी प्रधान कार्यालयले इन्टरपोलमार्फत रेड कर्नर नोटिस जारी गरेको हो ।
त्यस्तै प्रहरीले सहकारीका कोषाध्यक्ष लक्ष्मी सेन सुनारलाई समेत पक्राउ गरेको हो । प्रहरीको केन्द्रीय अनुसन्धान ब्यूरो ९सिआईबी०ले बचतकर्ताको रकम हिनामिना गरेको आरोप लागेकी कोषाध्यक्ष २७ वर्षीया सुनारलाई पक्राउ गरी शुक्रबार सार्वजनिक गरेको हो ।
