राम्रो अनलाइन
२३ साउन २०८१, बुधबार
काठमाडौं–वरिष्ठ समाजसेवी यमकला केसीको ‘शिवजीको नाम’ मौलक तिज गीत सार्वजनिक भएको छ । भजन शैलीमा रहेको गीत केसीको युट्युब च्यानलबाट सार्वजनिक गरिएको हो ।
उक्त गीतमा नेपाली नारीहरूको मौलिकता झल्काउने पहिरनका साथमा गायिका केसीले पनि अभिनय गरेकी छिन् । व्यवसायिकताको नाममा तिज गीतमा मौलिकता हराउँदै गएको भन्दै गायिका केसीले भजन शैलीको मौलिक तिज गीत गाएको बताइन् ।
पहिलो गीत भएपनि गायिका केसीको स्वर समधुर सुनिएको छ । उनले भिडियोमा सुन्दर अभिनय पनि गरेकी छिन् । गीतको शब्द, संगीत संयोजन तथा भिडियो निर्देशन भद्र वलीले गरेका छन् । ‘गायिका केसी नयाँ भएपनि गीतमा उहाँले राम्रो स्वर दिनुभएको छ’ संगीतकार वलीले भने ।
रोल्पाकाकी स्थायीबासी केसी लामो समयदेखि सामाजिक सेवाको क्षेत्रमा क्रियाशील छिन् । रोल्पाली चेली फाउण्डेसनको अध्यक्षसमेत रहेकी उनले रोल्पामा वृद्धाश्रम बनाउँदै गरेको, मन्दिर निर्माण गरेको, गरीब तथा निमुखाहरूका लागि सहयोग गर्दै आइरहेकी छिन् । गायिका केसी तेक्वान्दोको राष्ट्रिय खेलाडी पनि हुन् । उनले १७ वर्ष तेक्वान्दो खेलेकी थिइन् ।
