राम्रो अनलाइन
२० माघ २०७७, मङ्गलबार
नेपाली सेनाले सोमबार राति ‘बख्तरबन्द’ (हतियार जडित गाडी) सहित अभ्यास गरेको छ । राति १० बजेपछि सेनाका बख्तरबन्द गाडीले चक्रपथ परिक्रमा गरेका थिए ।
बख्तरबन्द गाडीहरू राति दश बजेपछि सितापाइलस्थित ब्यारेकबाट एकसाथ निस्केर चक्रपथको चक्कर लगाएका थिए।
सेनाले यसलाई नियमित अभ्यास अन्तर्गत भएको बताएको छ । सैनिक प्रवक्ता सहायकरथी सन्तोषबल्लभ पौडेलले सैन्य अभ्यासअन्तर्गत पहिले नै निर्धारित गतिविधि भएको बताएका छन् । उनले सामाजिक सञ्जाल ट्वीटरमार्फत यस्तो बताएका हुन् ।
कतिपयमा ज्ञानेन्द्रको माघ १९ को शाही घोषणाकै दिन भएकाले संशय व्यक्त गर्न सक्ने भएकाले पौडेलले यस्तो जानकारी गराएका हुन् ।
यस्तै माघ २१ गते पनि बख्तरबन्द गाडीहरू सितापाइलाबाट बिहान सातादोबाटो कोटेश्वर हुँदै पाँचखाल जाने कार्यक्रम छ। ती राति फर्किनेछन्।
