राम्रो अनलाइन
१६ फागुन २०७७, आइतबार
बैंक अफ काठमाण्डू (बीओके) ले डिजिटल कारोबार (क्यूआर कोड) विस्तार गर्ने क्रममा पशुपतिनाथ मन्दिर परिसरमा दान तथा भेटी संकलनार्थ क्यूआर कोड सेवा सुरु गरेको छ ।
कार्यक्रममा पशुपति क्षेत्र विकास कोषका सदस्य सचिव डा. प्रदीप ढकाल, बैंक सञ्चालक समिति अध्यक्ष प्रकाश श्रेष्ठ बैंकका प्रमुख कार्यकारी अधिकृत शोभनदेव पन्त सहभागी थिए ।
गभर्नर अधिकारीले डिजिटल दान पेटिकाको क्यूआर कोड स्क्यान गरी पशुपतिनाथ भगवान्लाई डिजिटल तवरले दान दिएर कार्यक्रम उद्घाटन गरे ।
उनले पशुपतिनाथ मन्दिर दर्शन गर्न आउने सम्पूर्ण श्रद्धालुलाई डिजिटल रूपमा दान गर्ने व्यवस्था मिलाएकामा बैंक पशुपति क्षेत्र विकास कोषलाई धन्यवाद दिए । उनले नगदरहित कारोबारलाई राष्ट्र बैंकले अभियानको रूपमा सञ्चालन गरिरहेको बताए ।
कार्यक्रममा बैंकका प्रमुख कार्यकारी अधिकृत शोभनदेव पन्तले नगदरहित कारोबारको अभियानलाई बैंकले प्राथमिकतामा राखेर अगाडि बढाइरहेको जानकारी दिए ।
हालसम्म बैंकले ९० शाखा, ७८ एटिएम र १० एक्स्टेन्सन काउन्टरबाट बैंकिङ सुविधा दिँदै आएको छ ।
