प्रा. दिनेशराज पन्त
०२ माघ २०७७, शुक्रबार
नेपाल–भारत संयुक्त आयोग बैठकमा विवादित सीमाका बारे पनि छलफल भएको छ । शुक्रबार नयाँ दिल्लीमा सम्पन्न बैठकमा सीमा विवादका विषय उठाइए पनि औपचारिक एजेन्डा भने नबनेको बताइएको छ ।
परराष्ट्रमन्त्री प्रदीपकुमार ज्ञवाली र भारतीय समकक्षी एस जयशंकरबीचको भेटमा सीमा विवाद, कोरोनाविरुद्धको खोप उपलब्ध गराउने सम्बन्ध लगायतका विषयमा कुरा भएको हो । यी दुबै कुरामा भारत सकारात्मक रहेको बैठकपछि मन्त्री ज्ञवालीले बताएका छन् ।
यसअघि नेपालको परराष्ट्र मन्त्रालयले सीमा विवाद, व्यापार, कृषि, उर्जा, कोभिड खोप, पारवहन लगायत विषयमा छलफल हुने विज्ञप्तिमार्फत जनाएको थियो । तर भारतको विदेश मन्त्रालयले शुक्रबार ज्ञवाली दिल्ली प्रस्थान गरेपछि नै सीमाबारे छलफल नहुने प्रतिक्रिया दिएको थियो ।
विदेश मन्त्रालयका प्रवक्ता अनुराग श्रीवास्तवले संयुक्त आयोगको बैठक सीमा विवादबारे छलफल गर्ने मञ्च नभएको प्रतिक्रिया दिएका थिए ।
.jpg)
