राम्रो अनलाइन
०२ माघ २०७७, शुक्रबार
औपचारिक रूपमा फुट भएको घोषणा गर्न बाँकी रहेको नेकपाका दुई पक्ष आ–आफ्नै रणनीतिमा लागेका छन् । बिहीबार दुबै खेमाको स्थायी समिति बैठक बस्यो । प्रधानमन्त्री केपी शर्मा ओली समूहको बैठक बालुवाटारमा र पुष्पकमल दाहाल तथा माधव नेपाल समूहको बैठक पेरिसडाँडामा बस्यो ।
ओली पक्ष निर्वाचन केन्द्रित
प्रधानमन्त्री ओली पक्ष निर्वाचन केन्द्रित भएको छ । बालुवाटारमा बसेको स्थायी समिति बैठकले निर्वाचनका निम्ति माहोल सिर्जना गरेर जानुपर्नेमा छलफल गरेको छ । त्यस्तै आधारभूत तहमा सोचिएभन्दा राम्रो हुँदै गएको यो समूहको विश्लेषण रहेको छ ।
एक नेताका अनुसार बैठकमा प्रतिनिधिसभा विघटनपछि देशव्यापी रुपमा भएका संगठन सुदृढीकरण र जनसभाबारे समीक्षा भएको थियो । बैठकमा प्रधानमन्त्री तथा अध्यक्ष ओलीले हालैको वस्तुस्थितिबारे ब्रिफिङ गरेको ती नेताले बताए ।
दाहाल–नेपाल आन्दोलन केन्द्रित
प्रतिनिधिसभाको अचानक विघटनपछि दाहाल–नेपाल समूह आन्दोलित भएको छ । उसले विभिन्न विरोधसभाहरू समेत गरेको छ । बिहीबार बसेको स्थायी समिति बैठकमा यो खेमाले आन्दोलनलाई अझ प्रभावकारी बनाउने विषयमा छलफल ग¥यो ।
स्थायी समिति सदस्य सुरेन्द्र पाण्डेका अनुसार बैठकले आन्दोलनलाई थप प्रभावकारी बनाउने विषयमा छलफल गरेको बताए । उनले राजधानी काठमाडौँमा माघ २३ गते १ लाख मानिस उतारेर विरोध प्रदर्शन गर्ने तयारी भइरहेको पनि जानकारी दिए ।
.jpg)
