राम्रो अनलाइन
२७ चैत २०७७, शुक्रबार
काठमाडौं । नेकपा माओवादी केन्द्रले पार्टी छोडेर एमालेतिर लाग्ने ५ मन्त्री र ३ सांसदको जागिर खाइदिएको छ । संविधानमा भएको व्यवस्था अनुसार माओवादीले कारबाही गरेपछि उनीहरुको मन्त्री र सांसद पद गएको हो ।
माोवादीले केन्द्रका ४ र प्रदेशका १ मन्त्रीलाई कारबाही गरेको हो । मन्त्री नभएका प्रदेशका ३ सांसदलाई पनि कारबाही गरेको छ ।
माओवादीले केन्द्रका सांसद लेखराज भट्ट कैलाली ४, टोपबहादुर रायमाझी अर्घाखाँची १ प्रभु साह रौतहट ३ र गौरी शंकर चौधरी कैलाली ३ लाई कारबाही गरेको हो । उनीहरुको सांसद पद बिहीबार गएको छ । ४ जना नै मन्त्री थिए ।
रायमाझी ऊर्जा, जलस्रोत तथा सिँचाईमन्त्री, भट्ट उद्योग, वाणिज्य तथा आपूर्तिमन्त्री, चौधरी श्रम, रोजगार, तथा सामाजिक सुरक्षामन्त्री र साह सहरी विकासमन्त्री थिए । माओवादी प्रदेश एकका सांसद टंक आङ्बोहाङ लाई पनि कारबाही गरेको छ । उनी प्रदेश १ मा माओवादी छोडेर एमालेमा प्रवेश गर्दै आर्थिक मामिला तथा योजना मन्त्री बनेका थिए ।
त्यस्तै माओवादील मन्त्री नभएका लुम्बिनी र सुदूरपश्चिम प्रदेशका गरी तीन सांसदलाई पनि कारबाही गरेको छ । माओवादीले लुम्बिनीका दिनेश पन्थी र दधिराम न्यौपाने तथा सुदूरपश्चिम प्रदेशका झपटबहादुर बोहोरालाई कारबाही गरेको हो । उनीहरुको पनि सांसद पद खोसिएको थियो ।
सुदूरपश्चिम प्रदेशका आर्थिक मामिला तथा योजना मन्त्री रहेका बोहोराको बलात्कार काण्ड लागेपछि जागिर गएको थियो ।
.jpg)
