राम्रो अनलाइन
११ माघ २०७७, आइतबार
सरकारले जनगणना २०७८ का लागि ३९ हजार गणक करारमा नियुक्त गर्ने भएको छ । यस्तै ८ हजार जना सुपरिवेक्षक पनि करारमै माग गरेको छ ।
करारमा कर्मचारी भर्नाका लागि केन्द्रीय तथ्यांक विभागले आइतबारदेखि दरखास्त आह्वान गरेको हो । इच्छुक व्यक्तिले ६० दिनभित्र अनलाइन दरखास्त फारम भर्न सक्ने विभागले जनाएको छ ।
दरखास्त स्नातक तह वा सोसरह उत्तीर्ण गरेको व्यक्तिले सुपरिवेक्षक र गणक दुवै पदका लागि दिन सक्ने छन् । तर भर्ना भने कुनै एक पदका लागि मात्र लिइने विभागले जनाएको छ ।
करारमा नियुक्त जनशक्तिले नपुगेमा सार्वजनिक विद्यालयका शिक्षक तथा सरकारी कर्मचारीलाई लिन सकिने छ ।
