राम्रो अनलाइन
२१ असार २०८१, शुक्रबार
अत्तरिया– सुदूरपश्चिम प्रदेशका मुख्यमन्त्री दीर्घबहादुर सोडारीलाई नेकपा एमालेले दिएको समर्थन फिर्ता लिइएको छ । एमाले, सुदूरपश्चिम संसदीय दलले सुदूरपश्चिम प्रदेश सरकारलाई दिएको समर्थन बुधवार साँझ फिर्ता लिएको हो ।
नेकपा एमालेबाट सरकारमा सहभागी तीन जना मन्त्रीले राजीनामा दिएका हुन्। नेकपा एमाले प्रदेश संसदीय दलका नेता राजेन्द्रसिंह रावलले मुख्यमन्त्री दीर्घबहादुर सोडारीलाई दिएको समर्थन फिर्ता लिएको बताए । उनले मुख्यमन्त्रीको सचिवालय र मुख्यमन्त्री तथा मन्त्रिपरिषद्को कार्यालयमा समर्थन फिर्ता लिएको पत्र दर्ता गरेको बताए।
सुदूरपश्चिम प्रदेश सरकार अब अल्पमतमा परेको छ भने उता नेपाली काँग्रेस र एमाले नयाँ सरकार गठनका लागि छलफलमा जुटेका छन् ।
.jpg)
