राम्रो अनलाइन
२३ साउन २०८२, शुक्रबार
आफूलाई सधैँभरि खुलेर प्रस्तुत गर्न रुचाउने आश्रीया नेतृत्व तथा नेपाली पहिचानलाई आत्मसात गर्दै, अन्तर्राष्ट्रिय मञ्चमा हाम्रो संस्कृतिलाई गर्वका साथ प्रतिनिधित्व गर्न मिस नेपालमा सहभागी भएकी हुन् । उनको विचारमा मिस नेपालमार्फत आश्रीया महिलाहरूलाई नेतृत्व गर्न, प्रेरणा दिन र अर्थपूर्ण परिवर्तन ल्याउन सशक्त बन्न भूमिका खेल्नेछिन् ।
उनी भन्छिन्,‘मैले मिस नेपालमा सहभागिता जनाउनुको कारण यो एउटा त्यस्तो मञ्च हो जसले महिलाहरूलाई नेतृत्व गर्न, प्रेरणा दिन र अर्थपूर्ण परिवर्तन ल्याउन सशक्त बनाउनुका साथै यो केवल सौन्दर्य प्रतियोगिता मात्र होइन, यो नेतृत्व, वकालत, र व्यक्तिगत विकासका लागि एक सशक्त मञ्च हो । त्यसैले सहभागी भएकी छु ।’
यस्तै उनी मिस नेपालको क्राउनमात्रै उनको उद्देश्य नभई यस बाहेक पनि लामो रहेको बताउँछिन् । ‘म विविध दृष्टिकोणहरूसँग संवाद गर्न, मेरो बोल्ने क्षमतालाई अझ सशक्त बनाउन चाहानुका साथै मेरो नेपाली पहिचानलाई आत्मसात गर्दै, अन्तर्राष्ट्रिय मञ्चमा हाम्रो संस्कृतिलाई गर्वका साथ प्रतिनिधित्व गर्ने अवसर हो । म आगामी पुस्ताका लागि एक प्रेरणादायी नमुना बन्न चाहन्छु र मेरो लागि मिस नेपाल भनेको इमानदारीका साथ नेतृत्व गर्ने, अरूलाई सशक्त बनाउने, र परिवर्तनको सपना मात्र देख्ने नभई त्यसलाई वास्तविकतामा बदल्नका लागि क्रियाशील भएर काम गर्ने जिम्मेवारी समेत हो ।’
