राम्रो अनलाइन
३० कात्तिक २०८१, शुक्रबार
काठमाडाैं – दार्चुलामा भएकाे जीप दुर्घटना परेर मृत्यु हुनेकाे संख्या ८ पुगेकाे छ। मालिकार्जुन जात्राबाट गोकुलेस्वरतर्फ गइरहेको म१ज ३३८ नम्बरको जीप आज बिहान शैल्यशिखर नगरपालिका–५को सिराडको खोलामा दुर्घटना भएकाे थियाे।
दार्चुलाका प्रमुख जिल्ला अधिकारी यज्ञराज जोशीका अनुसार ६ जनाकाे दुर्घटनास्थलमै मृत्यु भएकाे थियाे। भने, २ जनाकाे उपचारका क्रममा मृत्यु भएकाे हाे। मृत्यु हुनेमा शैल्यशिखर- ५ लेकगाउँका ३० वर्षीय विरेन्द्र रावल, उनकी श्रीमती २८ वर्षीया शान्ती रावल, शैल्यशिखर- ९ का ४५ वर्षीय दिलिप बिष्ट, ४५ वर्षीया मिना लेखक, बैतडीको डिलासैनी गाउँपालिका- ५ का १५ वर्षीय सुजित बोहरा र ४५ वर्षीय विरेन्द्र बोहरा रहेका छन्।
त्यस्तै भारतीय नागरिक मोहम्मद सालीर र मोहम्मद बसीमको पनि मृत्यु भएकाे छ। दुर्घटनामा परेर घाइते भएका अन्य चार जनाकाे उपाचार भइरहेकाे छ।
.webp)
.jpg)
