राम्रो अनलाइन
०७ असोज २०८३, बुधबार
काठमाडौं–प्रदर्शन तयारीमा रहेको फिल्म ‘छ माया छपक्कै २’ को शीर्ष गीत युट्युबमा रिलिज भएको छ । अन्य कलाकारलाई पनि समेटेर तयार पारिएको गीतको भिडियो मल्टि–स्टारर देखिन्छ ।
दीपकराज गिरी, केकी अधिकारी लगायतका कलाकार भिडियोमा फिचर्ड छन् । मुख्य महिला पात्र गर्भवती भएपछि उसलाई शुभकामना दिन आयोजना गरिएको सेरेमोनीको सन्दर्भमा म्यूजिक भिडियो तयार पारिएको छ ।
कार्म, रिहान गिरी, रजनी केसी, मेक्सम गौडेल, जेसिका पोखरेल लगायतका अन्य कलाकार पनि फिचर्ड छन् । फेस्टिभल भाइब्स सिर्जना गर्ने यो गीतको नृत्य निर्देशन ९कोरियोग्राफी० आकर्षक छ ।
करण परियार, अभि सुनार, विशाल निरौला, रश्मी विश्वकर्माको गायन रहेको गीतमा संगीत निर्देशन सुनारले गरेका हुन् । दीपेन्द्र लामाको निर्देशन, रोहित अधिकारीको निर्माण रहेको फिल्मको प्रदर्शन दशैंको फूलपाती अर्थात ३१ असोजलाई तय छ ।
