राम्रो अनलाइन
०६ साउन २०८१, आइतबार
काठमाडौं– नेपाली कांग्रेस बागमती संसदीय दलका नेता बहादुरसिंह लामाले सोमबार मुख्यमन्त्रीमा दाबी पेश गर्ने भएका छन् । कांग्रेसका साथै नेकपा एमालेको समर्थनमा लामाले सोमबार दाबी पेश गर्ने भएका हुन् ।
कांग्रेस सांसद कुन्दनराज काफ्लेका अनुसार सोमबार बिहान १० बजे मुख्यमन्त्रीको दाबी पेश गरिने भएको छ । मुख्यमन्त्री शालिकराम जम्कट्टेलले आइतबार राजीनामा दिएपछि दुई ठूला दलले नयाँ सरकारको दाबी गर्न लागेका हुन् ।
प्रदेश प्रमुख यादवचन्द्र शर्माले नयाँ सरकार गठनको लागि आइतबार आह्वान गरेका छन् । प्रदेश प्रमुख शर्माले ८ साउन साँझ ५ बजेसम्मको समय दिएका छन् । प्रदेश सरकार संविधानको धारा १६८ (२) अनुसार गठन हुने भएको छ । कांग्रेस र एमालेबीच मन्त्रालय भागबन्डामा समेत छलफल जारी रहेको काफ्लेले जानकारी गराए ।
.jpg)
