राम्रो अनलाइन
०५ पुस २०८०, बिहिबार
काठमाडौँ– काठमाडौँमा आयोजित क्रिश्चियन महोत्सवमा बोल्दै मन्त्री किराँतीले क्रिश्चियन नमान्नेहरूले संविधान नमान्ने र संविधान नमान्नेहरू देशद्रोही भएकाले हतकडी लगाएर जेलमा हाल्नु पर्ने अभिव्यक्ति दिएका छन् । यो अभिव्यक्तिका कारण यतिबेला उनी सामाजिक सञ्जालमा विवादमा तानिएका छन् ।
सामाजिक सञ्जालमा उनको धेरै आलोचना भइरहेको छ । विभिन्न पार्टीका नेताहरुले उनको राजिनामा समेत माग गरेका छन् ।
हिजो काठमाडौंमा आयोजित क्रिश्चियन महोत्सवको कार्यक्रममा किराँती प्रमुख अतिथि बनेर पुगेका थिए । उक्त कार्यक्रममा उनले भने, ‘अहिलेको प्रधानमन्त्री प्रचण्ड ज्यू जिससजस्तै विद्रोही नेता हो । उहाँको सबै कुरा जिसससित मिल्छ । जिसस अहिले जन्मेको भए ठ्याक्कै प्रचण्डजस्तै हुनुहुन्थ्यो । मलाई मात्र होइन, प्रधानमन्त्रीलाई पनि जिसस एकदमै मन पर्छ रे ।’
