राम्रो अनलाइन
१७ फागुन २०७७, सोमबार
नेपाल–भारत उद्योग वाणिज्य संघका निवर्तमान अध्यक्ष सौर्यशमशेर जबराको निधनप्रति संघले समवेदना व्यक्त गरेको छ । स्वास्थ्य जाँचबाट मुटुमा समस्या देखिएपछि जबरालाई सर्जरीका लागि ०७७ साल फागुन १२ गते भैंसेपाटीस्थित नेपाल मेडिसिटी अस्पताल भर्ना गरिएको थियो ।
उनको बिहीबार शल्यक्रिया गरिए पनि स्वास्थ्यमा थप समस्या देखिएपछि भेन्टिलेटरमा राखेर उपचार गरिँदै आएकामा आइतबार बिहान निधन भएको हो ।
१५ मार्च २०११ (१६ औं साधारणसभा) देखि ६ अगस्त २०१३ सम्म कार्यसमिति सदस्यको रूपमा संघमा सक्रिय योगदान दिएका स्व. राणा ६ अगस्त २०१३ (१९ औं साधारणसभा) देखि ७ सेप्टेम्बर २०१५ सम्म नेपाल–भारत उद्योग वाणिज्य संघको महासचिव थिए ।
त्यसैगरी ७ सेप्टेम्बर २०१५ (२१ औं साधारणसभा) देखि ७ नोभेम्बर २०१७ सम्म तथा ७ नोभेम्बर २०१७ (२३ औं साधारणसभा) बाट ५ डिसेम्बर २०१९ सम्म दुई कार्यकाल अध्यक्ष भई संघलाई नेतृत्व प्रदान गरेका थिए ।
राणाको कार्यकालमा नेपालका उद्योग वाणिज्य क्षेत्रका छाता संगठनलाई एकै ठाउँ राखेर नेपाल–भारत उद्योग वाणिज्यसँग सम्बन्धित सन्धि, सम्झौता पुनरावलोकनलगायतमा भूमिका खेलेका थिए ।
उनकै कार्यकालमा नेपाल–भारतबीच द्विपक्षीय पर्यटन संयुक्त कार्यदल कार्यक्रम सुरु गरिएको संघले जनाएको छ ।
बेलायतबाट बिजनेस एडमिनिस्ट्रेसनमा स्नातक स्व. राणाको विशेष दख्खल मार्केटिङमा थियो ।
.jpg)
