राम्रो अनलाइन
१० फागुन २०७७, सोमबार
पूर्वप्रधानमन्त्री तथा जनता समाजवादी पार्टीका संघीय परिषद अध्यक्ष बाबुराम भट्टराईको आज स्वास्थ्य परीक्षण हुने भएको छ ।
भारतको नयाँ दिल्लीस्थित 'इन्स्टिच्युट अफ लिभर एण्ड बिलिअरी साइन्सेस'मा स्वास्थ्य परीक्षण हुन लागेको हो ।
आज दिउँसो साढे १ बजे उनको स्वास्थ्य परीक्षण हुनेछ । स्वास्थ्य परीक्षण र चिकित्सकसँगको परामर्शपश्चात मात्रै रोगको निर्क्यौल हुनुका साथै उपचारका बारे के कसो गर्ने भन्ने टुंगो लाग्नेछ ।
पेटमा समस्याका कारण निदान अस्पतालमा नियमित स्वास्थ्योपचार गरिरहेका भट्टराईमा ट्युमरको आशंका गरिएपछि चिकित्सकको सल्लाहमा उनी आइतबार परीक्षण गर्न दिल्ली गएका हुन् ।
