राम्रो अनलाइन
२५ माघ २०७७, आइतबार
सवारी चालक अनुमतिपत्र (लाइसेन्स)का लागि लिखित परीक्षा पास हुनेले अब १८ महिनासम्म प्रयोगात्मक (ट्रायल) परीक्षा दिन पाउने भएका छन् ।
यातायात व्यवस्था विभागका निर्देशक तथा प्रवक्तासमेत रहेका डा. लोकनाथ भुसालले आइतबार सूचना जारी गर्दै यसबारे जानकारी दिएका हुन् ।
‘सवारी चालक अनुमतिपत्रको प्रयोगात्मक परीक्षा (ट्रायल) पास भएको एक वर्षभित्र राजश्व तिर्नुपर्ने, राजश्व बुझाई लिखित वा प्रयोगात्मक परीक्षामा समावेश हुन पाउने र ९० दिनभित्र तीन पटकसम्म रि–ट्रायल परीक्षामा समावेश हुन पाउने व्यवस्था रहेकोमा हाललाई सो व्यवस्थाको समयावधि १८ महिना कायम हुने गरी यातायात व्यवस्थापन कार्यविधि निर्देशिका, २०६० मा संशोधन गरिएको छ’, सूचनामा भनिएको छ ।
यसअघि लिखित परीक्षा पास हुनेले ९० दिनभित्रमा तीनपटकसम्म ट्रायल परीक्षा दिन पाउने व्यवस्था रहेको थियो ।
