राम्रो अनलाइन
२३ माघ २०७७, शुक्रबार
गत २४ घण्टामा १०५ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो गत २४ घण्टामा देशभर १०५ जनामा संक्रमण पुष्टि भएको हो ।
यससँगै नेपालमा हालसम्म कुल संक्रमितको संख्या २ लाख ७१ हजार ७०७ पुगेको छ । पछिल्लो २४ घण्टामा २७२ जना कोरोनामुक्त भई डिस्चार्ज भएका छन्। कोरोनामुक्त हुने संक्रमितको संख्या २ लाख ६७ हजार ५६४ पुगेको छ ।
पछिल्लो २४ घण्टामा २ जना संक्रमितको मृत्यु भएको छ । यससँगै कोरोनाबाट मृत्यु हुनेको संख्या २ हजार ३५ पुगेको छ ।
स्वास्थ्य मन्त्रालयका अनुसार अहिले देशभर सक्रिय संक्रमितको संख्या २ हजार १०८ रहेको छ भने ९२ जना क्वारेन्टिनमा रहेका छन् ।
