राम्रो अनलाइन
२३ भदौ २०८१, आइतबार
जाजरकोट – जाजरकोटको बारेकोट गाउँपालिका–६ धुमामा पहिरोले पुरिएर श्रीमान–श्रीमती बेपत्ता भएका छन् भने एक छोरी घाइते भएकी छिन्।
आइतबार बिहान साढे २ बजेतिर आएको पहिरोमा आफ्नै घरमा सुतिरहेका मानबहादुर चलाउने र उनकी श्रमती प्रेमकुमारी चलाउने बेपत्ता भएका हुन्। उनीहरूको अहिले खोजी भइरहेको छ। प्रेमकुमारी सोही वडाकी वडा सदस्यसमेत हुन्।
यस्तै पहिरोमा परी चलाउनेकी छोरी ११ वर्षीया सम्झना घाइते भएको र उनको लिम्सास्थित अस्पतालमा उपचार भइरहेको वडाध्यक्ष डम्बरबहादुर महताराले जानकारी दिए। पश्चिम नेपालमा गयराती अविरल वर्षा भएको थियो।
.jpg)
