राम्रो अनलाइन
०३ जेठ २०८१, बिहिबार
काठमाडौं– फोर्ब्स म्यागेजिनको ३० वर्ष मुनिका प्रभावशाली व्यक्तिको सूचीमा काठमाडौंकी श्रेया गिरी छनोट भएकी छिन् ।
म्यागेजिनले सार्वजनिक गरेको ३० वर्ष मुनिका ३० जनाको सूचीमा एशियाबाट ‘सोसल इम्प्याक्ट’ विधामा उनी छनौट भएकी हुन् ।
श्रेया मानसिक स्वास्थ्य सम्बन्धी डिजिटल प्लेटफर्म ह्याप्पी माइन्ड्सकी संस्थापक हुन् । मानसिक स्वास्थ्य समस्या सिर्जित नकारात्मक दृष्टिकोण र विश्वासजन्य चुनौतीहरूविरुद्ध काम गर्न गिरीले सुरु गरेको ह्याप्पी माइन्ड्सले भौतिक र भर्चुअल रूपमा मानसिक परामर्श दिनुका साथै समूहमा विभिन्न वर्कसपहरू चलाउँदै आएको छ ।
