राम्रो अनलाइन
०९ फागुन २०७७, आइतबार
पूर्वप्रधानमन्त्री तथा जनता समाजवादी पार्टीका संघीय परिषद् अध्यक्ष बाबुराम भट्टराई भारतको नयाँ दिल्ली जाने भएका छन् ।
उनी आइतबार नेपाल वायुसेवा निगमको जहाजबाट स्वास्थ्यपचारका लागि नयाँ दिल्ली जान लागेका हुन् ।
उनको पेटमा समस्या देखिएपछि लामो समयदेखि काठमाडौंको निदान अस्पतालमा परीक्षण तथा उपचार गराउँदै आएका थिए। अहिले चिकित्सकहरुले न्युरो इन्डोक्राइनको ट्युमर भएको आशंका गरी सल्लाह र सिफारिश गरेकाले उनी दिल्लीमा त्यसको उपचारका लागि जान लागेको बताइएको छ । दिल्लीमा उनको उपचार 'इन्स्टिच्युट अफ लिभर एण्ड बिलिअरी साइन्सेस'मा हुनेछ।
उपचारका लागि दिल्लीमा रहँदा उनको बसाइ त्यहाँस्थित नेपालको दूतावासमा हुने बताइएको छ।
भारतमा हुँदा राजनीतिक भेटघाट हुने/नहुने बारे भने खुलाइएको छैन ।
.jpg)
