राम्रो अनलाइन
२२ फागुन २०७९, सोमबार
काठमाडौं– सत्ता गठबन्धनबाट राष्ट्रपतिको उम्मेदवार बनेका रामचन्द्र पौडेलले आफूलाई सहयोग गर्न राष्ट्रिय प्रजातन्त्र पार्टीलाई आग्रह गरेका छन् । सत्ता गठबन्धनका नेताहरुसहित राप्रपाको कार्यालयमा पुगेर पौडेलले आफू लोकतन्त्रको रक्षाका लागि राष्ट्रपतिको उम्मेदवार बनेको भन्दै सहयोगको आग्रह गरेका थिए ।
श्रोतका अनुसार जवाफमा राप्रपा अध्यक्ष राजेन्द्र लिङदेनले राष्ट्रपति चुनावका बारेमा पार्टीमा छलफल गरेर निर्णय गर्ने बताए । ‘२४ गते पार्टीको केन्द्रिय समितिको बैठक बोलाएको छौं,’ लिङदेनलाई उदृत गर्दै स्रोतले भन्यो, ‘राष्ट्रपति चुनावमा के गर्ने भनेर त्यही बैठकले निर्णय गर्ने छ ।’
कांग्रेस उम्मेदवार पौडेललाई नेकपा माओवादी केन्द्रसहितका १० दलको समर्थन छ । राप्रपाको कार्यालयमा पौडेलसहित माओवादी नेता शक्ति बस्नेत, लोसपाका नेता शरतसिंह भण्डारी लगाएत पुगेका थिए । नेकपा एमालेबाट भने सुवासचन्द्र नेम्बाङ उम्मेदवार बनेका छन् । राप्रपाले राष्ट्रपति चुनावमा के गर्ने भन्ने बारेमा अझै निर्णय गरिसकेको छैन ।
.jpg)
