अस्ताउँदो सूर्यलाई अर्घ्य दिई मनाइयो छठ (फोटो फिचर)

छठ पर्वको तेस्रो दिन आज श्रद्धालु भक्तजनहरुले अस्ताउँदो सूर्यलाई अर्घ्य दिएर मनाएका छन् । आज बिहानै नुवाइधुवाई गरी निराहार व्रत बसेका बर्तालुहरूले नदीको किनारमा जम्मा भई अस्ताउँदो सूर्यलाई अर्घ्य दिएका हुन् ।

सूर्यदेवकोे पूरा उपासनासँगै बर्तालुहरुले व्रत सङ्कल्प गरेको भाकलअनुसारको विभिन्न परिकार तथा फलफूल, दूध, माटाको हात्ती, ढकनी, चढाएका छन् । यसो गर्नाले आफ्नो मनोकामना पूरा हुने धार्मिक विश्वास रहिआएको छ ।

छठ पर्वका अवसरमा झापाको मेचीनगर नगरपालिकास्थित नन्दा खोलामा आज साँझ अस्ताउँदो सूर्यलाई अर्घ दिन, पूजाआजा गर्न छठका व्रतालुलाई तयार गरिएको पूजास्थल ।

धनुषाको क्षिरेश्वरनाथ नगरपालिकास्थित औरही खोलामा छठ पूजाका लागि छठ घाटमा राखिएका पूजाका सामान । चारदिवसीय छठ पर्वको आज मुख्य दिन अस्ताउँदो सूर्यलाई अर्घ दिई छठी माताको पूजा आराधना गरिन्छ ।

छठी माताको पूजा आराधना गर्न जनकपुरधामको गङ्गासागर, छठ घाटमा राखिएका पूजाका सामान ।

पोखराको नदीपुरस्थित नारायणथान मन्दिर परिसरमा आइतबार छठ पूजाको तयारी गरिँदै । पूजास्थललाई गाईको गोबरले लिपेर शुद्ध बनाइनुका साथै परिसरमा बत्ती र ध्वजापतकाले सिँगारिएको छ । भक्तजनले आज साँझ अस्ताउँदो सूर्यलाई अर्घ दिने छन् ।

सुनसरीको इनरूवास्थित सुनसरी खोलामा छठ पूजाका लागि पूजास्थल सिँगारिँदै । आज बेलुका अस्ताउँदो सूर्य र भोलि बिहान उदाउँदो सूर्यलाई अर्घ दिएपछि छठ पर्व समापन हुन्छ ।

मोरङको सुन्दरहरैँचा नगरपालिकास्थित गछिया खोलामा छठी माताको पूजा आराधना गर्न भक्तजनले सिङ्गारेको छठ घाट ।

काठमाडौँको गौरीघाटमा निर्माण गरिएको घाटमा छठी माताको पूजा आराधनाका गर्दै ब्रतालु ।

छठ पूजाको अवसरमा बुटवल उपमहानगरपालिका वडा नं ११ स्थित बुद्धनगरममा रहेको खोलामा आइतबार छठको मुख्य दिन आइतबार साँझ अस्ताउँदो सूर्यलाई छठी मातालाई पूजा आराधाना गरी प्रसाद अर्पण गर्दै ब्रतालुु महिला ।