राम्रो अनलाइन
१२ माघ २०७७, सोमबार
प्रतिनिधिसभा विघटनविरुद्ध प्रधानमन्त्री निवास बालुवाटारमा प्रदर्शन गर्ने मानवअधिकारकर्मीहरू पक्राउ परेका छन् । प्रधानमन्त्री केपी शर्मा ओलीको कदमविरुद्ध उनीहरूले सोमबार प्रदर्शन गरेका हुन् ।
प्रधानमन्त्री ओलीले राज्य संयन्त्रको दुरुपयोग गरेर आपत्तिजनक अभिव्यक्ति दिएको भन्दै मानव अधिकार तथा शान्ति समाजको आयोजनामा प्रदर्शन भएको हो ।
प्रदर्शनका क्रममा मानव अधिकार तथा शान्ति समाजका संस्थापक सभापति कृष्ण पहाडीसहित दुई दर्जन बढी अधिकारकर्मी पक्राउ परेका छन् ।
अहिले उनीहरुलाई नेपाल पुलिस क्लबमा राखिएको छ।
.jpg)
