राम्रो अनलाइन
२० जेठ २०८२, मङ्गलबार
काठमाडौँ– लामो समय ठूलो पर्दामा अभिनय गरेकी अभिनेत्री रेखा थापा नाटकमा फर्किएकी छन्। उनले मीरा’ नाटकबाट रंगमञ्चमा डेब्यु गरेकी हुन्।
नक्साल गैरीधारास्थित कान्तिपुर थिएटरमा सोमबार साँझ नाटकको पहिलो मञ्चन भएको थियो। नाटकमा रोएको अभिनय गर्ने भूमिका पनि थापाका भागमा परेको थियो। दीपक सिञ्जालीद्धारा लिखित उपन्यासमा आधारित नाटकको परिकल्पनाकार तथा निर्देशक सुन्दर धिताल हुन्।
असार ७ गतेसम्म बुधबारबाहेक नियमित मञ्चन हुने नाटकमा रेखाको साथै विशाल पहारी, बिन्दा खतिवडा, विशाल देवकोटा, गीत विष्ट, डोरेश खतिवडा, उन्नत उप्रेती र सुनिल खड्काको अभिनय रहेको छ।
